Saturday, June 12, 2010
རྒྱལ་བ་མཉམ་མེད་ཆེན་པོའི་མཛད་རྣམ་ཉུང་བསྡུས།
5:33:00 PM | 
ཟིན་བྲིས་གཉེར་མཁན།
ཞང་ཞུང་པ། |
རྒྱལ་བ་གཉིས་པ་མཉམ་མེད་ཤེས་རབ་རྒྱལ་མཚན་མཆོག་ནི་སྔོན་བྱོན་སྐྱེས་ཆེན་གོང་མ་རྣམས་ཀྱིས་བྱིན་གྱིས་བརླབས་པའི་ས་གནས་རྒྱལ་རོང་རྒྱལ་ཁག་བཅོ་བརྒྱད་ཀྱི་ནང་ཚན་རབ་བརྟན་རྒྱལ་པོའི་མངའ་ཁུལ་ས་གནས་སྟེགས་སྐྱོགས་ཞེས་པར་ཡབ་དབྲ་རིགས་བོན་པོ་ཀླུ་རྒྱལ་དང་ཡུམ་མཁའ་འགྲོའི་མཚན་རྟགས་ཅན་རིན་ཆེན་སྨན་གཉིས་ཀྱི་སྲས་སུ་རབ་བྱུང་དྲུག་པའི་མེ་སྤྲེལ་ཕྱི་ལོ་༼༡༣༥༦༽ལོའི་དཔྱིད་ཟླ་ར་བའི་ཚེས་ལྔ་ཉིན་འགྲོ་བ་མི་ཡི་ཆ་ལུགས་ཀྱི་ཚུལ་བཟུང་ནས་སྐུ་མཆོག་མངོན་པར་བལྟམས།
རྗེ་ཉིད་སྐུ་ན་ཆུང་བའི་དུས་སུའང་སྔོན་གྱི་ལས་འཕྲོ་བཟང་པོའི་ཉེར་ལེན་ལ་བརྟེན་མཁྱེན་རྟོགས་ཧ་ཅང་གསལ་བ་དང་ཐུགས་རིག་ཤིན་ཏུ་རྣོ་བས་འཕྲུལ་ཆེན་ཡིག་འབྲུ་སུམ་ཅུ་མ་བསླབ་རང་རྡོལ་དུ་མཁྱེན་ཅིང༌། འབྲི་ཀློག་དང་བརྡ་སྦྱོར་སྙན་ངག་མོ་རྩིས་གཏོ་དཔྱད་བཅས་རྒྱུ་ཡི་བོན་བཞི་ཕྱོགས་ཙམ་གསན་པས་ཕུལ་དུ་ཕྱིན་པ་བྱུང༌།
དགུང་གྲངས་བཅུ་པ་ཤིང་སྦྲུལ་ཕྱི་ལོ་༼༡༣༦༥༽ལོར་སྲིད་པའི་ཕུན་ཚོགས་ལ་ཞེན་པ་གཏིང་ནས་ལོག་སྟེ། བཤེས་གཉེན་དམ་པ་ཕྱྭ་བླ་གཡུང་དྲུང་རྒྱལ་མཚན་གྱི་མདུན་ནས་རིམ་བཞིན་བསྙེན་གནས་དང་དགེ་བསྙེན་གཙང་གཙུག་བཅས་ཀྱི་སྡོམ་ཁྲིམས་བཞེས་པས་ཚུལ་མིང་ཤེས་རབ་རྒྱལ་མཚན་ཞེས་གསོལ། དེ་ནས་བྲུ་ཞུ་སྤ་རྨེའུ་གཤེན་དང་ལྔ་ཞེས་ཡོངས་སུ་གྲགས་པའི་གདུང་རྒྱུད་རྒྱལ་པོ་ཆེ་ལྔའི་ནང་ཚན། རྒྱལ་བ་བྲུ་ཡི་གདན་ས་ཆེན་མོ་དཔལ་ལྡན་གཡས་རུ་དབེན་ས་ཁའི་གདན་རབས་བཅོ་བརྒྱད་པ་མཁས་གྲུབ་རིན་ཆེན་བློ་གྲོས་མཉེས་པ་གསུམ་གྱིས་གཙུག་ཏུ་བཀུར་ནས་བོན་སྒོ་ཕྱི་ནང་གསང་གསུམ་གྱི་དབང་ལུང་མན་ངག་ཐམས་ཅད་བུམ་པ་གང་བྱོའི་ཚུལ་དུ་མནོས།
དགུང་གྲངས་སོ་གཅིག་མེ་སྟག་ཕྱི་ལོ་༼༡༣༨༦༽ལོར་རྨད་འབྱུང་འདུལ་བ་འཛིན་པ་མཁན་ཆེན་ཚུལ་ཁྲིམས་ཡེ་ཤེས་ཀྱི་དྲུང་ནས་ཉིས་བརྒྱ་ལྔ་བཅུའི་འདུལ་ཁྲིམས་རྫོགས་པར་བཞེས་ཤིང་གཡུང་དྲུང་བོན་གྱི་བསྟན་པའི་འདུ་གནས་ཆེན་པོ་གཡས་རུ་དབེན་ས་ཁར་སྒྲིག་ཞུགས་གནང་རྗེས་གདན་ས་འདིའི་ཟུར་བཤད་ཀྱི་མཁན་པོའི་འཕྲིན་ལས་བསྐྱངས། དམ་པ་ཁོང་ནི་གཞུང་ལུགས་དང་གྲུབ་མཐའ་ཕྱོགས་རེ་བའི་མཁས་གྲགས་འབར་བ་ཙམ་མིན་པར། རང་གཞན་གཞུང་ལུགས་རྒྱ་མཚོའི་ཕ་མཐར་སོན་པ་སྟེ། རང་གི་གཞུང་ལུགས་ལ་གསན་བསམ་གནང་རིམ་གོང་སྨྲས་ལྟར་ལ། གཞན་གྱི་གཞུང་ལུགས་ལའང་ཐོས་བརྩོན་གནང་བ་ནི་མཉམ་མེད་བླ་མའི་ནང་སྒྲུབ་ཀྱི་གསལ་བྱེད་མཐོང་བའི་དགའ་སྟོན་ལས། ན་ལེན་ཏྲ་རུ་རོང་སྟོན་ཆེན་པོའི་དྲུང༌། །མཚན་ཉིད་རྒྱུ་ཡི་སྒྲོ་འདོགས་གཅོད་པའི་དུས། །བཀའ་སྡེ་བཅུ་པོར་འགྲན་པའི་ཟླ་བྲལ་བའི། །རབ་འབྱམས་ཆེན་པོར་གྲགས་པའི་མཉམ་མེད་པ། །ཞེས་གསུངས་པ་ལྟར། དབུས་ཀྱི་ན་ལེན་ཏྲར་རོང་སྟོན་ཆེན་པོ་ཤེས་བྱ་ཀུན་རིག་གི་སྤྱན་སྔར། གཞུང་མཚན་ཉིད་པོད་ཆེན་དྲུག་དང༌། གྲངས་ཅན་བཅོ་བརྒྱད་ལ་མཁས་པར་སྦྱང་སྟེ། དཔལ་ལྡན་གསང་ཕུག་ནེའུ་ཐོག་གི་བཤད་གྲྭ་ཆེན་པོར་གྲྭ་སྐོར་མཚན་ཉིད་རབ་འབྱམས་ཆེན་པོའི་མཚན་རྟགས་བཞེས་པར་མ་ཟད། དབུས་གཙང་གི་གྲྭ་ས་ཆེ་ཁག་རྣམས་སུ་བྱོན་ནས་རྩོད་པའི་དམ་བཅའ་རྣམ་པར་བཞག་སྟེ། སྒྲུབ་དང་སུན་འབྱིན་གྱི་གནད་ཕྱིན་ཅི་མ་ལོག་པའི་ལུང་རིག་གནམ་ལྕགས་ཐོག་མདའ་ལྟ་བུའི་ཕས་རྒོལ་གྱི་མ་རྟོགས་ལོག་རྟོག་ཐེ་ཚོམ་གྱི་བྲག་རི་མངོན་པར་བཅོམ་ནས། སུས་ཀྱང་འགྲན་པའི་ཟླ་དང་བྲལ་བར་གྱུར།
ཕྱི་ལོ་༼༡༤༠༥༽ལོར་གཡུང་དྲུང་བོན་གྱི་གདན་ས་དཔལ་ལྡན་བཀྲ་ཤིས་སྨན་རིའི་དགོན་སྡེ་ཆེན་པོ་གསར་འཛུགས་གནང་ཞིང་ཁང་ཚན་བཅུ་གཉིས་དང་གྲྭ་ཤག་དྲུག་ཅུའྀ་བཀོད་པ་རྫུ་འཕྲུལ་གྱི་མཐུས་སྐད་ཅིག་ཏུ་གྲུབ་པར་མཛད་ཅིང༌། ཟླ་བ་ཡར་ངོ་ལ་འཆད་ཉན་དང་མར་ངོ་ལ་བསྙེན་བསྒྲུབ་སྟེ་བཤད་སྒྲུབ་ཟུང་འབྲེལ་གྱི་སྒོ་ནས་བསྟན་པའི་སྲོག་ཤིང་བཟུང་བར་མ་ཟད། མདོ་སྔགས་ཕྱི་ནང་གསང་གསུམ་གང་ལ་གང་འོས་ཀྱི་འགྲེལ་དང་ཆ་ལག་མ་མཛད་པ་ཕལ་ཆེར་མེད་པའི་ཚད་ཙམ་གྱི་ནང་ནས། ཕྱི་མཚན་ཉིད་སྡེ་ལྔའི་སྐོར་ལས་སྲིད་པ་ཀུན་འབྱུང་མཛོད་ཀྱི་སྡེ་ལ། ༼མཛོད་འགྲེལ་གསལ་བྱེད་འཕྲུལ་གྱི་སྒྲོན་མ་ས་བཅད་དང་བཅས་པ།༽ ཏིང་འཛིན་དག་པ་མདོ་ཡི་སྡེ་ལ། ༼ཐེག་རིམ་རྣམ་པར་བཤད་པའི་མདོ་རྒྱུད་ཀྱི་འགྲེལ་བ་རྣམ་འབྱེད་འཕྲུལ་གྱི་ལྡེ་མིག་༽དང༌། ༼ས་ལམ་གྱི་རྣམ་བཤད་འཕྲུལ་གྱི་སྒྲོན་མ་རྩ་འགྲེལ་གཉིས།༽ ཤེས་རབ་དག་པ་འབུམ་གྱི་སྡེ་ལ། ༼ཤེར་ཕྱིན་རྒྱས་འབྲིང་སྡུས་གསུམ་གྱི་རྩ་བ་ཁམས་བསྡུས་ཚིགས་བཅད་མའི་འགྲེལ་བ་གསལ་བའི་སྒྲོན་མ་ས་བཅད་བཅས་པ།༽ ཚུལ་ཁྲིམས་དག་པ་འདུལ་བའི་སྡེ་ལ། རྗེ་བཙུན་ཡར་མེ་བས་མཛད་པའི་༼འདུལ་བ་མདོར་སྡུས་དང་ཀུན་བཏུས་གཉིས་ཀའི་འགྲེལ་བ་ས་བཅད་དང་བཅས་པ།༽ ༼ལས་ཆོག་རིན་ཆེན་ཐེམ་སྐས་གསོ་སྦྱོང་དང་བཅས་པ།༽ ༼འདུལ་ཕྱག་རྒྱས་བསྡུས་གཉིས།༽ གཞལ་བྱ་དབུ་ཚད་རིག་པའི་སྡེ་ལ། ༼དབུ་མ་བདེན་གཉིས་ཀྱི་འགྲེལ་བ་༽དང༌། ༼ཚད་མ་རྣམ་འབྱེད་འཕྲུལ་གྱི་སྒྲོན་མའི་གཞུང་དང་རང་འགྲེལ།༽ དེ་རྣམས་ཀྱི་བསྡུས་དོན་དང་རྩོད་སྤང་གི་ཐལ་འཕྲེང་ལ་སོགས་དུ་མ་མཛད། སྔགས་སེམས་ཀྱི་སྐོར་ལ། ༼བྱང་སེམས་གབ་པའི་འགྲེལ་བ་གསལ་བྱེད་ཉི་མའི་དཀྱིལ་འཁོར་ས་བཅད་དང་བཅས་པ།༽ ཁྱད་པར་རྩ་རྒྱུད་གསང་བ་བསེན་ཐུབ་ཀྱི་དགོངས་དོན། ༼གསང་སྔགས་ཀྱི་གནད་དོན་ཕྱིན་ཅི་མ་ལོག་པར་སྟོན་པ་གསང་དོན་རྣམ་འབྱེད་འཕྲུལ་སྒྲོན་མེ་༽བཅས། བསྟན་པའི་གསལ་བྱེད་དུ་རྗེས་བཞག་གནང་ཞིང་དགོན་པའི་ཕྱི་ནང་གི་སྒྲིག་སྲོལ་ཐམས་ཅད་རྣམ་དག་འདུལ་བཟང་ཆེན་མོའི་བསླབ་ཁྲིམས་ཀྱི་བཅའ་གཞི་ལྟར་གཏན་འབེབས་རྒྱུན་སྐྱོངས་གནང་བས་གངས་ཅན་བསྟན་པའི་མིག་རྒྱན་ཉག་ཅིག་ཏུ་གྱུར་པ་བཅས་ཡིན་ལུགས་ཀྱི་རྣམ་ཐར་ཟུར་ཙམ་མོ།།
མུ་ཙུག་སྨར་རོ།
རྗེ་ཉིད་སྐུ་ན་ཆུང་བའི་དུས་སུའང་སྔོན་གྱི་ལས་འཕྲོ་བཟང་པོའི་ཉེར་ལེན་ལ་བརྟེན་མཁྱེན་རྟོགས་ཧ་ཅང་གསལ་བ་དང་ཐུགས་རིག་ཤིན་ཏུ་རྣོ་བས་འཕྲུལ་ཆེན་ཡིག་འབྲུ་སུམ་ཅུ་མ་བསླབ་རང་རྡོལ་དུ་མཁྱེན་ཅིང༌། འབྲི་ཀློག་དང་བརྡ་སྦྱོར་སྙན་ངག་མོ་རྩིས་གཏོ་དཔྱད་བཅས་རྒྱུ་ཡི་བོན་བཞི་ཕྱོགས་ཙམ་གསན་པས་ཕུལ་དུ་ཕྱིན་པ་བྱུང༌།
དགུང་གྲངས་བཅུ་པ་ཤིང་སྦྲུལ་ཕྱི་ལོ་༼༡༣༦༥༽ལོར་སྲིད་པའི་ཕུན་ཚོགས་ལ་ཞེན་པ་གཏིང་ནས་ལོག་སྟེ། བཤེས་གཉེན་དམ་པ་ཕྱྭ་བླ་གཡུང་དྲུང་རྒྱལ་མཚན་གྱི་མདུན་ནས་རིམ་བཞིན་བསྙེན་གནས་དང་དགེ་བསྙེན་གཙང་གཙུག་བཅས་ཀྱི་སྡོམ་ཁྲིམས་བཞེས་པས་ཚུལ་མིང་ཤེས་རབ་རྒྱལ་མཚན་ཞེས་གསོལ། དེ་ནས་བྲུ་ཞུ་སྤ་རྨེའུ་གཤེན་དང་ལྔ་ཞེས་ཡོངས་སུ་གྲགས་པའི་གདུང་རྒྱུད་རྒྱལ་པོ་ཆེ་ལྔའི་ནང་ཚན། རྒྱལ་བ་བྲུ་ཡི་གདན་ས་ཆེན་མོ་དཔལ་ལྡན་གཡས་རུ་དབེན་ས་ཁའི་གདན་རབས་བཅོ་བརྒྱད་པ་མཁས་གྲུབ་རིན་ཆེན་བློ་གྲོས་མཉེས་པ་གསུམ་གྱིས་གཙུག་ཏུ་བཀུར་ནས་བོན་སྒོ་ཕྱི་ནང་གསང་གསུམ་གྱི་དབང་ལུང་མན་ངག་ཐམས་ཅད་བུམ་པ་གང་བྱོའི་ཚུལ་དུ་མནོས།
དགུང་གྲངས་སོ་གཅིག་མེ་སྟག་ཕྱི་ལོ་༼༡༣༨༦༽ལོར་རྨད་འབྱུང་འདུལ་བ་འཛིན་པ་མཁན་ཆེན་ཚུལ་ཁྲིམས་ཡེ་ཤེས་ཀྱི་དྲུང་ནས་ཉིས་བརྒྱ་ལྔ་བཅུའི་འདུལ་ཁྲིམས་རྫོགས་པར་བཞེས་ཤིང་གཡུང་དྲུང་བོན་གྱི་བསྟན་པའི་འདུ་གནས་ཆེན་པོ་གཡས་རུ་དབེན་ས་ཁར་སྒྲིག་ཞུགས་གནང་རྗེས་གདན་ས་འདིའི་ཟུར་བཤད་ཀྱི་མཁན་པོའི་འཕྲིན་ལས་བསྐྱངས། དམ་པ་ཁོང་ནི་གཞུང་ལུགས་དང་གྲུབ་མཐའ་ཕྱོགས་རེ་བའི་མཁས་གྲགས་འབར་བ་ཙམ་མིན་པར། རང་གཞན་གཞུང་ལུགས་རྒྱ་མཚོའི་ཕ་མཐར་སོན་པ་སྟེ། རང་གི་གཞུང་ལུགས་ལ་གསན་བསམ་གནང་རིམ་གོང་སྨྲས་ལྟར་ལ། གཞན་གྱི་གཞུང་ལུགས་ལའང་ཐོས་བརྩོན་གནང་བ་ནི་མཉམ་མེད་བླ་མའི་ནང་སྒྲུབ་ཀྱི་གསལ་བྱེད་མཐོང་བའི་དགའ་སྟོན་ལས། ན་ལེན་ཏྲ་རུ་རོང་སྟོན་ཆེན་པོའི་དྲུང༌། །མཚན་ཉིད་རྒྱུ་ཡི་སྒྲོ་འདོགས་གཅོད་པའི་དུས། །བཀའ་སྡེ་བཅུ་པོར་འགྲན་པའི་ཟླ་བྲལ་བའི། །རབ་འབྱམས་ཆེན་པོར་གྲགས་པའི་མཉམ་མེད་པ། །ཞེས་གསུངས་པ་ལྟར། དབུས་ཀྱི་ན་ལེན་ཏྲར་རོང་སྟོན་ཆེན་པོ་ཤེས་བྱ་ཀུན་རིག་གི་སྤྱན་སྔར། གཞུང་མཚན་ཉིད་པོད་ཆེན་དྲུག་དང༌། གྲངས་ཅན་བཅོ་བརྒྱད་ལ་མཁས་པར་སྦྱང་སྟེ། དཔལ་ལྡན་གསང་ཕུག་ནེའུ་ཐོག་གི་བཤད་གྲྭ་ཆེན་པོར་གྲྭ་སྐོར་མཚན་ཉིད་རབ་འབྱམས་ཆེན་པོའི་མཚན་རྟགས་བཞེས་པར་མ་ཟད། དབུས་གཙང་གི་གྲྭ་ས་ཆེ་ཁག་རྣམས་སུ་བྱོན་ནས་རྩོད་པའི་དམ་བཅའ་རྣམ་པར་བཞག་སྟེ། སྒྲུབ་དང་སུན་འབྱིན་གྱི་གནད་ཕྱིན་ཅི་མ་ལོག་པའི་ལུང་རིག་གནམ་ལྕགས་ཐོག་མདའ་ལྟ་བུའི་ཕས་རྒོལ་གྱི་མ་རྟོགས་ལོག་རྟོག་ཐེ་ཚོམ་གྱི་བྲག་རི་མངོན་པར་བཅོམ་ནས། སུས་ཀྱང་འགྲན་པའི་ཟླ་དང་བྲལ་བར་གྱུར།
ཕྱི་ལོ་༼༡༤༠༥༽ལོར་གཡུང་དྲུང་བོན་གྱི་གདན་ས་དཔལ་ལྡན་བཀྲ་ཤིས་སྨན་རིའི་དགོན་སྡེ་ཆེན་པོ་གསར་འཛུགས་གནང་ཞིང་ཁང་ཚན་བཅུ་གཉིས་དང་གྲྭ་ཤག་དྲུག་ཅུའྀ་བཀོད་པ་རྫུ་འཕྲུལ་གྱི་མཐུས་སྐད་ཅིག་ཏུ་གྲུབ་པར་མཛད་ཅིང༌། ཟླ་བ་ཡར་ངོ་ལ་འཆད་ཉན་དང་མར་ངོ་ལ་བསྙེན་བསྒྲུབ་སྟེ་བཤད་སྒྲུབ་ཟུང་འབྲེལ་གྱི་སྒོ་ནས་བསྟན་པའི་སྲོག་ཤིང་བཟུང་བར་མ་ཟད། མདོ་སྔགས་ཕྱི་ནང་གསང་གསུམ་གང་ལ་གང་འོས་ཀྱི་འགྲེལ་དང་ཆ་ལག་མ་མཛད་པ་ཕལ་ཆེར་མེད་པའི་ཚད་ཙམ་གྱི་ནང་ནས། ཕྱི་མཚན་ཉིད་སྡེ་ལྔའི་སྐོར་ལས་སྲིད་པ་ཀུན་འབྱུང་མཛོད་ཀྱི་སྡེ་ལ། ༼མཛོད་འགྲེལ་གསལ་བྱེད་འཕྲུལ་གྱི་སྒྲོན་མ་ས་བཅད་དང་བཅས་པ།༽ ཏིང་འཛིན་དག་པ་མདོ་ཡི་སྡེ་ལ། ༼ཐེག་རིམ་རྣམ་པར་བཤད་པའི་མདོ་རྒྱུད་ཀྱི་འགྲེལ་བ་རྣམ་འབྱེད་འཕྲུལ་གྱི་ལྡེ་མིག་༽དང༌། ༼ས་ལམ་གྱི་རྣམ་བཤད་འཕྲུལ་གྱི་སྒྲོན་མ་རྩ་འགྲེལ་གཉིས།༽ ཤེས་རབ་དག་པ་འབུམ་གྱི་སྡེ་ལ། ༼ཤེར་ཕྱིན་རྒྱས་འབྲིང་སྡུས་གསུམ་གྱི་རྩ་བ་ཁམས་བསྡུས་ཚིགས་བཅད་མའི་འགྲེལ་བ་གསལ་བའི་སྒྲོན་མ་ས་བཅད་བཅས་པ།༽ ཚུལ་ཁྲིམས་དག་པ་འདུལ་བའི་སྡེ་ལ། རྗེ་བཙུན་ཡར་མེ་བས་མཛད་པའི་༼འདུལ་བ་མདོར་སྡུས་དང་ཀུན་བཏུས་གཉིས་ཀའི་འགྲེལ་བ་ས་བཅད་དང་བཅས་པ།༽ ༼ལས་ཆོག་རིན་ཆེན་ཐེམ་སྐས་གསོ་སྦྱོང་དང་བཅས་པ།༽ ༼འདུལ་ཕྱག་རྒྱས་བསྡུས་གཉིས།༽ གཞལ་བྱ་དབུ་ཚད་རིག་པའི་སྡེ་ལ། ༼དབུ་མ་བདེན་གཉིས་ཀྱི་འགྲེལ་བ་༽དང༌། ༼ཚད་མ་རྣམ་འབྱེད་འཕྲུལ་གྱི་སྒྲོན་མའི་གཞུང་དང་རང་འགྲེལ།༽ དེ་རྣམས་ཀྱི་བསྡུས་དོན་དང་རྩོད་སྤང་གི་ཐལ་འཕྲེང་ལ་སོགས་དུ་མ་མཛད། སྔགས་སེམས་ཀྱི་སྐོར་ལ། ༼བྱང་སེམས་གབ་པའི་འགྲེལ་བ་གསལ་བྱེད་ཉི་མའི་དཀྱིལ་འཁོར་ས་བཅད་དང་བཅས་པ།༽ ཁྱད་པར་རྩ་རྒྱུད་གསང་བ་བསེན་ཐུབ་ཀྱི་དགོངས་དོན། ༼གསང་སྔགས་ཀྱི་གནད་དོན་ཕྱིན་ཅི་མ་ལོག་པར་སྟོན་པ་གསང་དོན་རྣམ་འབྱེད་འཕྲུལ་སྒྲོན་མེ་༽བཅས། བསྟན་པའི་གསལ་བྱེད་དུ་རྗེས་བཞག་གནང་ཞིང་དགོན་པའི་ཕྱི་ནང་གི་སྒྲིག་སྲོལ་ཐམས་ཅད་རྣམ་དག་འདུལ་བཟང་ཆེན་མོའི་བསླབ་ཁྲིམས་ཀྱི་བཅའ་གཞི་ལྟར་གཏན་འབེབས་རྒྱུན་སྐྱོངས་གནང་བས་གངས་ཅན་བསྟན་པའི་མིག་རྒྱན་ཉག་ཅིག་ཏུ་གྱུར་པ་བཅས་ཡིན་ལུགས་ཀྱི་རྣམ་ཐར་ཟུར་ཙམ་མོ།།
མུ་ཙུག་སྨར་རོ།
སྡེ་ཚན།
སུམ་གླང་གྱིམ་ཤོད་ཡུལ་གྱི་རྟོགས་བརྗོད་སྐྱ་རེངས་འོད་ཀྱི་འཛུམ་ཟེར།
མཐའ་དགུ་སྤྲོས་བྲལ་དབྱིངས་ཆེན་འབྱམས་ཡས་ཀྱི་ཀློང་དུ། །
རིག་སྣང་གདོད་མའི་མགོན་པོ་ཀུན་བཟང་གི་ངོ་བོ། །
སྙིང་རྗེ་བདུད་རྩི་རྒྱ་མཚོའི་རོལ་གར་དུ་བསྒྱུར་ཞིང༌། །
འདུ་འཕྲོ་འོད་ཟེར་འཁྱིལ་བའི་ངོ་མཚར་འདི་རྨད་དོ། །
གོང་དེའི་རྣམ་སྤྲུལ་ཐུགས་ཀྱི་རོལ་མཚོ་ཡི་ངོགས་ལས། །
འཁྲུངས་པའི་རླབས་ཕྲེང་རིན་ཆེན་སྒོང་བཞི་ཡི་ལང་ཚོ། །
འཆི་མེད་དགའ་ཚལ་ཞང་ཞུང་ཁ་ཡུག་གི་ཡུལ་དུ། །
རྨད་བྱུང་ས་ཡི་ཐིག་ལེའི་མཛེས་རྒྱན་དུ་བབས་སོ། །
དེ་ཚེ་སྲིད་གསུམ་ལྡིར་བའི་ངོ་མཚར་དང་ཆབས་ཅིག །
མ་བསྐྱིལ་རང་འབྱུང་གཡུ་གཞོན་ནོར་བུ་ཡི་བླ་མཚོ། །
མ་བརྩེགས་གསས་ཁང་གཡུང་དྲུང་འོད་འཕྲོ་དང་བཅས་པ། །
རྩ་གསུམ་དུམ་བུར་ཆད་པའི་དགེ་མཚན་དུ་བརྟས་སོ། །
ལྷུན་གྲུབ་རང་འབྱུང་དབྱིག་གི་སྒོང་བཞི་ཡི་ནང་ནས། །
ལྟ་བས་ངོམས་པ་མེད་པའི་མཚན་ལྡན་གྱི་ཁྱེའུ་བཞི། །
རྫུ་འཕྲུལ་གར་བཅས་ཞབས་ཀྱི་འཁོར་ལོ་དེ་བསྒྱུར་ཚེ། །
ཁྱུང་པོའི་མཚན་སྙན་ཕྱོགས་ཀྱི་རྒྱལ་རྔ་དེ་བརྡུངས་སོ། །
སུམ་གླང་གྱིམ་ཤོད་དབྱིག་ལྡན་གོ་ལ་ཡི་ཁྱོན་དུ། །
ཁྱུང་སྲས་མཆེད་བཞིའི་པད་སྡོང་ཁོ་ལག་དེ་རྒྱས་པས། །
དཀར་ནག་སེར་གསུམ་འོད་ཟེར་དྲྭ་རྒྱ་ཡི་ཀློང་ནས། །
གདུང་རབས་ལང་ཚོའི་པད་དཀར་འདབ་མ་དེ་བཞད་དོ། །
དེ་འདྲའི་སུམ་རྩེན་གཉིས་པའི་གྲོང་ཁྱེར་གྱི་ཞིང་འདིར། །
དབུས་ན་ཁྱུང་དཀར་ཞེས་བྱའི་ལྷ་སྡེ་ཡི་པང་དུ། །
ལྷ་སྲས་བུ་རྟའི་ལང་ཚོ་མཁའ་དབྱིངས་སུ་འཕྱོ་ཚེ། །
ས་འཛིན་གངས་དཀར་ཁྲོས་པའི་ངང་ཚུལ་དེ་ཁེགས་སོ། །
སྟོད་དུ་ཁྱུང་སེར་གཉན་ཆེན་ནོར་འཛིན་གྱི་ཕང་བར། །
རྩལ་ལྡན་གསེར་མདངས་འཁྱུད་པའི་བུ་རྟ་ཡིས་ཁེངས་ཚེ། །
རྒྱ་བྱིན་ཧད་དེ་ལག་གི་བྱ་ར་ཞིག་བྱས་རྗེས། །
མྱུར་མོར་ཆུ་ལྷའི་ཕག་ཏུ་ཡིབ་བྲོས་དེ་བྱས་སོ། །
སྨད་ན་ཁྱུང་ནག་ཀླུ་དབང་དར་དཀར་གྱི་ཁུད་དུ། །
དབྱིག་ལྡན་སྤྱི་ཆིངས་གྱད་ཀྱི་གཤོག་དྲུག་དེ་རྒྱས་ཚེ། །
ཕྱོགས་ཀྱི་མིག་སྟོང་བགྲད་ཅིང་མཚན་སྙན་གྱི་བ་དན། །
ཤར་མཐའི་སྐྱ་རེངས་དགོད་ལ་ཅོ་འདྲི་ཞིག་འགྲན་ནོ། །
རྩེ་དྲུག་ལྷུན་གྲུབ་གཡུ་སྟེང་བུམ༵་བཟང༵་གི་ཚལ་དུ། །
གྲུབ་ཐོབ་རིག་འཛིན་རྒྱུད་པའི་རྩི་བཅུད་ཀྱིས་གཏམས་ཚེ། །
གདོས་བཅས་འབྱུང་བཞི་འཁྲུགས་པའི་སྲོག་ལྡན་གྱི་ལུས་ལ། །
འཚོ་བྱེད་སྦྱིན་བརྒྱ་འབྱེད་འདི་ཨེ་མ་རང་རྨད་དོ། །
མི་ཤིགས་གཡུང་དྲུང་དཔལ་གྱི་རྒྱལ༵་མཚན༵་གྱི་རི་བོར། །
ཉམས་རྟོགས་བརྒྱུད་འཆང་གསེར་གྱི་དྲང་ཤིང་དེ་བཙུགས་པས། །
བོན་ཁྲིམས་ལྷ་དར་དཀར་པོའི་མདུད་རྒྱ་དེ་བསྡམ་ཞེས། །
ཀུན་གྱིས་གྲགས་པའི་གསུང་དབྱངས་དུས་གཅིག་ཏུ་བསྒྲགས་སོ། །
གནས་ཆེན་རི་འདུས་སྒྲ་རྒྱལ་གསུང་དབྱངས་ཀྱི་རང་སྒྲ། །
མ་བོས་སུམ་པ་གླང་གི་ཡུལ་གྲུ་རུ་ལྡིར་ཚེ། །
ཐོས་འཛིན་བུ་ག་ཟུང་ལྡན་དད་བརྩོན་གྱི་སྐྱེ་བོས། །
ཕྱག་རྒྱའི་པད་དཀར་ཐུགས་ཀྱི་དཀྱིལ་ཤད་ནས་དྲངས་སོ། །
ཐུགས་རྟེན་བང་བཀྲ་རིན་ཆེན་དཔལ༵་དབྱེ་ཡི་རང་གཟུགས། །
སྒེག་ལྡན་འཛིན་མའི་ཟུར་གྱི་རྣ་ཆ་དེ་སྤྲས་ཚེ། །
ལྷོ་མཐའི་མགྲོན་པོ་སྲེད་ལྡན་ཨར་པ་ཡི་དཔུང་ཚོགས། །
ཐོབ་རེའི་འགྲམ་ཆུ་ལན་གཅིག་ལྡང་བ་རང་མིན་ནམ། །
ངོ་མཚར་པད་ནེ་རི་བཀྲའི་གསེར༵་གཤོག་དེ་བཀྲབ་སྟེ། །
ཁྱུང་ཡུལ་མ་གྲོས་རླབས་ཀྱི་མཚོ་མོ་དང་འགྲོགས་ཚེ། །
ཡ་རབས་གཅིག་རྒྱུད་ཞང་ཞུང་ཁ་ཡུག་གི་མི་རྣམས། །
རྨད་བྱུང་རི་དབང་སྤ་བའི་མཛེས་རྒྱན་དུ་ལོས་བཏེགས། །
མདོ་ཁམས་གསེར་རིའི་རྩིབས་སྟོང་རིན་ཆེན་གྱི་འཁོར་ལོ། །
མ་བསྐོར་གྱིམ་ཤོད་དགའ་བའི་སྙིང་ནོར་དུ་སྤྲོས་ཚེ། །
ཤར་མཐའི་མཚམས་སྤྲིན་ལས་འོང་གསེར་མདངས་ཀྱི་ཉི་གཞོན། །
ངོ་ཚའི་བཞིན་རས་ནོངས་འདི་ཡ་མཚན་ཞིག་ཆེའོ། །
ཡིད་འོང་ཟང་བྲག་རིན་ཆེན་པད༵་མ་ཡི་ཚལ་དུ། །
རྣལ་འབྱོར་བུང་བ་དགྱེས་པའི་མགུར་གླུ་དེ་བཞེངས་ཚེ། །
བློ་གསལ་འདབ་རྒྱ་གྲོལ་བའི་བཀའ་ལུང་གི་རྩི་བཅུད། །
སྔར་མེད་གཏེར་ནས་དྲངས་ཞེས་གྲགས་དཀར་ཞིག་ལྡིར་རོ། །
རབ་མཛེས་སྤུ་རྒྱལ་གདུག༵ས་དཀ༵ར་མཁའ་དབྱིངས་སུ་བསྒྲེངས་ཏེ། །
ལུགས་གཉིས་རྟག་བརྟན་གསེར་གྱི་ཏོག་ཆེན་དེ་བཙུགས་པས། །
སྲིད་གསུམ་དྲག་ཏུ་གཡོ་བའི་དགེ་མཚན་གྱི་ང་རོ། །
ཕྱོགས་ཀྱི་རྔ་བོ་མ་ལུས་དུས་གཅིག་ཏུ་བརྡུངས་སོ། །
དེ་འདྲའི་རྟགས༵་བརྒྱ༵ད་རིས་འཁྱུད་ཕུལ་བྱུང་གི་ལང་ཚོ། །
ཡོངས་རྫོགས་མེས་པོའི་ཕ་གཞིས་ཞང་ཞུང་གི་ཡུལ་གྲུར། །
ས་མཐའི་བུ་ཆུང་བདག་གི་ལྟེ་ཁྲག་དེ་འཕོས་ཕྱིར། །
ཕྱི་བལྟས་བྱེད་བཞིན་རྟོགས་བརྗོད་འཛུམ་བརྡ་འདི་ཤོར་སོང༌། །
རིག་སྣང་གདོད་མའི་མགོན་པོ་ཀུན་བཟང་གི་ངོ་བོ། །
སྙིང་རྗེ་བདུད་རྩི་རྒྱ་མཚོའི་རོལ་གར་དུ་བསྒྱུར་ཞིང༌། །
འདུ་འཕྲོ་འོད་ཟེར་འཁྱིལ་བའི་ངོ་མཚར་འདི་རྨད་དོ། །
གོང་དེའི་རྣམ་སྤྲུལ་ཐུགས་ཀྱི་རོལ་མཚོ་ཡི་ངོགས་ལས། །
འཁྲུངས་པའི་རླབས་ཕྲེང་རིན་ཆེན་སྒོང་བཞི་ཡི་ལང་ཚོ། །
འཆི་མེད་དགའ་ཚལ་ཞང་ཞུང་ཁ་ཡུག་གི་ཡུལ་དུ། །
རྨད་བྱུང་ས་ཡི་ཐིག་ལེའི་མཛེས་རྒྱན་དུ་བབས་སོ། །
དེ་ཚེ་སྲིད་གསུམ་ལྡིར་བའི་ངོ་མཚར་དང་ཆབས་ཅིག །
མ་བསྐྱིལ་རང་འབྱུང་གཡུ་གཞོན་ནོར་བུ་ཡི་བླ་མཚོ། །
མ་བརྩེགས་གསས་ཁང་གཡུང་དྲུང་འོད་འཕྲོ་དང་བཅས་པ། །
རྩ་གསུམ་དུམ་བུར་ཆད་པའི་དགེ་མཚན་དུ་བརྟས་སོ། །
ལྷུན་གྲུབ་རང་འབྱུང་དབྱིག་གི་སྒོང་བཞི་ཡི་ནང་ནས། །
ལྟ་བས་ངོམས་པ་མེད་པའི་མཚན་ལྡན་གྱི་ཁྱེའུ་བཞི། །
རྫུ་འཕྲུལ་གར་བཅས་ཞབས་ཀྱི་འཁོར་ལོ་དེ་བསྒྱུར་ཚེ། །
ཁྱུང་པོའི་མཚན་སྙན་ཕྱོགས་ཀྱི་རྒྱལ་རྔ་དེ་བརྡུངས་སོ། །
སུམ་གླང་གྱིམ་ཤོད་དབྱིག་ལྡན་གོ་ལ་ཡི་ཁྱོན་དུ། །
ཁྱུང་སྲས་མཆེད་བཞིའི་པད་སྡོང་ཁོ་ལག་དེ་རྒྱས་པས། །
དཀར་ནག་སེར་གསུམ་འོད་ཟེར་དྲྭ་རྒྱ་ཡི་ཀློང་ནས། །
གདུང་རབས་ལང་ཚོའི་པད་དཀར་འདབ་མ་དེ་བཞད་དོ། །
དེ་འདྲའི་སུམ་རྩེན་གཉིས་པའི་གྲོང་ཁྱེར་གྱི་ཞིང་འདིར། །
དབུས་ན་ཁྱུང་དཀར་ཞེས་བྱའི་ལྷ་སྡེ་ཡི་པང་དུ། །
ལྷ་སྲས་བུ་རྟའི་ལང་ཚོ་མཁའ་དབྱིངས་སུ་འཕྱོ་ཚེ། །
ས་འཛིན་གངས་དཀར་ཁྲོས་པའི་ངང་ཚུལ་དེ་ཁེགས་སོ། །
སྟོད་དུ་ཁྱུང་སེར་གཉན་ཆེན་ནོར་འཛིན་གྱི་ཕང་བར། །
རྩལ་ལྡན་གསེར་མདངས་འཁྱུད་པའི་བུ་རྟ་ཡིས་ཁེངས་ཚེ། །
རྒྱ་བྱིན་ཧད་དེ་ལག་གི་བྱ་ར་ཞིག་བྱས་རྗེས། །
མྱུར་མོར་ཆུ་ལྷའི་ཕག་ཏུ་ཡིབ་བྲོས་དེ་བྱས་སོ། །
སྨད་ན་ཁྱུང་ནག་ཀླུ་དབང་དར་དཀར་གྱི་ཁུད་དུ། །
དབྱིག་ལྡན་སྤྱི་ཆིངས་གྱད་ཀྱི་གཤོག་དྲུག་དེ་རྒྱས་ཚེ། །
ཕྱོགས་ཀྱི་མིག་སྟོང་བགྲད་ཅིང་མཚན་སྙན་གྱི་བ་དན། །
ཤར་མཐའི་སྐྱ་རེངས་དགོད་ལ་ཅོ་འདྲི་ཞིག་འགྲན་ནོ། །
རྩེ་དྲུག་ལྷུན་གྲུབ་གཡུ་སྟེང་བུམ༵་བཟང༵་གི་ཚལ་དུ། །
གྲུབ་ཐོབ་རིག་འཛིན་རྒྱུད་པའི་རྩི་བཅུད་ཀྱིས་གཏམས་ཚེ། །
གདོས་བཅས་འབྱུང་བཞི་འཁྲུགས་པའི་སྲོག་ལྡན་གྱི་ལུས་ལ། །
འཚོ་བྱེད་སྦྱིན་བརྒྱ་འབྱེད་འདི་ཨེ་མ་རང་རྨད་དོ། །
མི་ཤིགས་གཡུང་དྲུང་དཔལ་གྱི་རྒྱལ༵་མཚན༵་གྱི་རི་བོར། །
ཉམས་རྟོགས་བརྒྱུད་འཆང་གསེར་གྱི་དྲང་ཤིང་དེ་བཙུགས་པས། །
བོན་ཁྲིམས་ལྷ་དར་དཀར་པོའི་མདུད་རྒྱ་དེ་བསྡམ་ཞེས། །
ཀུན་གྱིས་གྲགས་པའི་གསུང་དབྱངས་དུས་གཅིག་ཏུ་བསྒྲགས་སོ། །
གནས་ཆེན་རི་འདུས་སྒྲ་རྒྱལ་གསུང་དབྱངས་ཀྱི་རང་སྒྲ། །
མ་བོས་སུམ་པ་གླང་གི་ཡུལ་གྲུ་རུ་ལྡིར་ཚེ། །
ཐོས་འཛིན་བུ་ག་ཟུང་ལྡན་དད་བརྩོན་གྱི་སྐྱེ་བོས། །
ཕྱག་རྒྱའི་པད་དཀར་ཐུགས་ཀྱི་དཀྱིལ་ཤད་ནས་དྲངས་སོ། །
ཐུགས་རྟེན་བང་བཀྲ་རིན་ཆེན་དཔལ༵་དབྱེ་ཡི་རང་གཟུགས། །
སྒེག་ལྡན་འཛིན་མའི་ཟུར་གྱི་རྣ་ཆ་དེ་སྤྲས་ཚེ། །
ལྷོ་མཐའི་མགྲོན་པོ་སྲེད་ལྡན་ཨར་པ་ཡི་དཔུང་ཚོགས། །
ཐོབ་རེའི་འགྲམ་ཆུ་ལན་གཅིག་ལྡང་བ་རང་མིན་ནམ། །
ངོ་མཚར་པད་ནེ་རི་བཀྲའི་གསེར༵་གཤོག་དེ་བཀྲབ་སྟེ། །
ཁྱུང་ཡུལ་མ་གྲོས་རླབས་ཀྱི་མཚོ་མོ་དང་འགྲོགས་ཚེ། །
ཡ་རབས་གཅིག་རྒྱུད་ཞང་ཞུང་ཁ་ཡུག་གི་མི་རྣམས། །
རྨད་བྱུང་རི་དབང་སྤ་བའི་མཛེས་རྒྱན་དུ་ལོས་བཏེགས། །
མདོ་ཁམས་གསེར་རིའི་རྩིབས་སྟོང་རིན་ཆེན་གྱི་འཁོར་ལོ། །
མ་བསྐོར་གྱིམ་ཤོད་དགའ་བའི་སྙིང་ནོར་དུ་སྤྲོས་ཚེ། །
ཤར་མཐའི་མཚམས་སྤྲིན་ལས་འོང་གསེར་མདངས་ཀྱི་ཉི་གཞོན། །
ངོ་ཚའི་བཞིན་རས་ནོངས་འདི་ཡ་མཚན་ཞིག་ཆེའོ། །
ཡིད་འོང་ཟང་བྲག་རིན་ཆེན་པད༵་མ་ཡི་ཚལ་དུ། །
རྣལ་འབྱོར་བུང་བ་དགྱེས་པའི་མགུར་གླུ་དེ་བཞེངས་ཚེ། །
བློ་གསལ་འདབ་རྒྱ་གྲོལ་བའི་བཀའ་ལུང་གི་རྩི་བཅུད། །
སྔར་མེད་གཏེར་ནས་དྲངས་ཞེས་གྲགས་དཀར་ཞིག་ལྡིར་རོ། །
རབ་མཛེས་སྤུ་རྒྱལ་གདུག༵ས་དཀ༵ར་མཁའ་དབྱིངས་སུ་བསྒྲེངས་ཏེ། །
ལུགས་གཉིས་རྟག་བརྟན་གསེར་གྱི་ཏོག་ཆེན་དེ་བཙུགས་པས། །
སྲིད་གསུམ་དྲག་ཏུ་གཡོ་བའི་དགེ་མཚན་གྱི་ང་རོ། །
ཕྱོགས་ཀྱི་རྔ་བོ་མ་ལུས་དུས་གཅིག་ཏུ་བརྡུངས་སོ། །
དེ་འདྲའི་རྟགས༵་བརྒྱ༵ད་རིས་འཁྱུད་ཕུལ་བྱུང་གི་ལང་ཚོ། །
ཡོངས་རྫོགས་མེས་པོའི་ཕ་གཞིས་ཞང་ཞུང་གི་ཡུལ་གྲུར། །
ས་མཐའི་བུ་ཆུང་བདག་གི་ལྟེ་ཁྲག་དེ་འཕོས་ཕྱིར། །
ཕྱི་བལྟས་བྱེད་བཞིན་རྟོགས་བརྗོད་འཛུམ་བརྡ་འདི་ཤོར་སོང༌། །
Saturday, June 5, 2010
འཛམ་གླིང་སྟེང་གི་ཐོག་མའི་རིག་མཛོད་འཕྲུལ་ཆས།
པའོ་ཤ་ལི། གྷ་གྷུ་ལི་ཡིས་བརྩམས།
ཞང་ཞུང་པས་བོད་བསྒྱུར་ཞུས།
གལ་སྲིད་ཁྱེད་རང་གིས་དེང་བཀོལ་སྤྱོད་ཆེ་བའི་རིག་མཛོད་འཕྲུལ་ཆས་འདི་ཉིད་ཐོག་མར་ག་དུས་བཟོས་པའི་སྐོར་མང་ཙམ་མཁྱེན་འདོད་ཡོད་ན་རྩོམ་ཐུང་འདིའི་ལམ་ནས་ཁྱེད་ཉིད་ལ་འོད་སྟོང་ལྡན་པའི་གོ་རྟོགས་ཕྲན་བུ་ཞིག་སྐྱེ་བའི་རེ་བ་ཡོད།
དེ་ལྟར་མི་ཉུང་ཤས་ཞིག་གིས་རིག་མཛོད་འཕྲུལ་ཆས་འདི་ཉིད་ག་དུས་བཟོས་མིན་སྐོར་ལ་དངོས་གནས་མཁྱེན་འདོད་ཤག་རེད། འོན་ཀྱང་དེ་དག་ཁོ་ཚོའི་ཁེ་དབང་སོགས་ཀྱི་ཆེད་དུ་གཏན་ནས་མིན། འདི་བཞིན་དཔྱད་བརྗོད་འདི་དག་འཛམ་གླིང་ཤེས་ཡོན་གྱི་སྒོ་མོ་གསར་དུ་ཕྱེས་པའི་སྙིང་རུས་ཅན་དེ་དག་གི་ཆེད་དུ་ཡིན། ང་ཚོ་མི་ཡི་རིགས་རྣམས་ཀྱིས་མཁྱེན་གསལ་ལྟར་དེང་གི་དུས་དེར་རིག་མཛོད་འཕྲུལ་ཆས་འདི་ཉིད་འཛམ་གླིང་གི་འཁོར་མོ་ཡུག་ཏུ་ཁྱབ་ཅིང༌། གལ་སྲིད་ཉིན་ཞིག་འཛམ་གླིང་གི་རིག་མཛོད་འཕྲུལ་ཆས་ཡང་རྫོགས་འགག་པ་ཡིན་ན་མི་རྣམས་ཀྱི་ལས་ཀའང་ཡོངས་རྫོགས་དུས་གཅིག་ཏུ་འགག་འགྲོ་བ་ཐེ་མི་ཚོམ།
ད་འདི་ནས་མར་ལ་རིག་མཛོད་འཕྲུལ་ཆས་འདི་ཉིད་ག་དུས་འགོ་བརྩམས་པའི་སྐོར་ལ་གླེང་གི་ཡིན། བཀོད་བྱུས་ཀྱི་རྩ་འཛིན་ལ་གཞི་བཞག་པ་ཡིན་ན། རིག་མཛོད་འཕྲུལ་ཆས་ཟེར་ན་ལས་གཞིའི་ལས་སྟར་ཁག་ཚོད་འཛིན་བྱེད་མཁན་གྱི་འཕྲུལ་ཆས་ཞིག་ཡིན།
ཕྱི་ལོ་ ༡༨༣༧ ལོར ཆར་ལིསི། སྦ་སྦ་ཇི། ཟེར་བའི་མི་ཞིག་གིས་ཐོག་མར་འདི་ལྟ་བུའི་བྱེད་སྒོ་ཞིག་གི་སྐོར་ལ་བསམ་བློ་འཁོར་བ་རེད། དེ་ནས་རིམ་པར་ཁོང་གིས་ལས་དོན་དེ་དག་ལ་ཧུར་བརྩོན་གནང་པས་མཐར་ལས་འཆར་གྱི་ཇུས་བཀོད་ཚང་བའི་འཕྲུལ་ཆས་ཞིག་བསྐྲུན་ནས་ཁོང་གིས་དེ་ལ་༼དཔྱད་ཞིབ་འཕྲུལ་འཁོར་གྱི་མ་ལག༽ ཅེས་བཏགས། འོན་ཀྱང་དཔལ་འབྱོར་སོགས་ཀྱི་ཚད་གཞི་ངེས་ཅན་དགོས་པ་དང་རིམས་པར་བྱུས་བཀོད་སོགས་ཇེ་ལེགས་སུ་གཏོང་དགོས་པ་སོགས་དཀའ་ངལ་མང་དག་ཞིག་གིས་ཁོང་གིས་དཔྱད་ཞིབ་འཕྲུལ་ཆས་ཀྱི་མ་ལག་དེ་ཉིད་མི་མཐུད་འཇུག་སྐྱོང་གནང་མ་ཐུབ།
དེ་རྗེས་ཕྱི་ལོ་ ༡༩༤༡ ལོར་ ཀོན་རཱཌ། ཛུ་སེ། ཟེར་བའི་མི་ཞིག་གསར་གཏོད་ཀྱི་འཐབ་ར་དེའི་ནང་དུ་ཞུགས་ནས་ཁོང་གིས་ཀྱང་རིག་མཛོད་འཕྲུལ་ཆས་ལྟ་བུ་ཞིག་གསར་གཏོད་གནང་འདོད་སྐྱེས་ནས་གློག་ཤུགས་འཕྲུལ་ཆས་༼z འཕྲུལ་ཆས་སམ་༽༼z3༽ ཞེས་པ་སོགས་གསར་བཟོ་བྱས། འཕྲུལ་ཆས་དེ་དག་བཟོ་དབྱིབས་དང་ཤུགས་ཚད་གཉིས་ལྡན་ཁར་རྩིས་རིགས་ཀྱི་ལས་འཆར་སོགས་ཚུད་ཐུབ་པའི་ནུས་པ་ཅན་ཞིག་ཡིན།
ENIAC དང་དེའི་ལས་ཀ་བྱེད་ཕྱོགས།
ཕྱི་ལོ་ ༡༩༤༡ ནས་བརྩིས་པའི་ལོ་ལྔ་ཡི་རྗེས་སུ་༼ENIAC༽ཨང་རྩིས་རིག་པའི་གློག་རྡུལ་རིག་མཛོད་འཕྲུལ་ཆས་ཞེས་པ་ཞིག་བཟོ་བསྐྲུན་བྱས། དེ་སྐབས་ཆེས་རྣོ་ངར་ཅན་གྱི་གསར་གཏོད་ཀྱི་འགྲན་རྩོད་ཁྲོད་དུ་དེའི་ཁ་གཏད་ཀྱི་ལེགས་སྐྱེས་ཚུལ་དུ་ཕྱི་ལོ་ ༡༩༤༦ ལོར་ ཨ་ཊཱ་ནཱ་སོཕ། བྷེ་རིའི་རིག་མཛོད་འཕྲུལ་ཆས་ཞེས་པ་ཞིག་ཀྱང་གསར་ཐོན་བྱུང་ཡོད། གོང་གི་༼ENIAC༽ ཞེས་པ་དེ་ནི་རིག་མཛོད་འཕྲུལ་ཆས་ཐོག་མ་ཞེས་འབོད་ཀྱི་ཡོད་པའི་ལྗིད་ཁོག་ལྡན་པའི་རྒྱུ་མཚན་དུ་མ་ཞིག་བགྲངས་ཀྱི་ཡོད་དེ། དཔེར་ན་གློག་ཆས་དེ་ནི་གྲངས་གནས་ཅན་གྱི་རིག་མཛོད་འཕྲུལ་ཆས་ཞིག་སྟེ། དེའི་ལས་འཆར་གྱི་མ་ལག་ཁག་གིས་སྐྱར་སྒྲིག་ཐོག་གོ་རིམས་ལྡན་པའི་སྒོ་ནས་རིག་མཛོད་འཕྲུལ་ཆས་ཀྱི་དཀའ་ངལ་རྣམས་སེལ་ཐུབ། འདི་ནི་ང་ཚོས་འཐུས་སྒོ་ཡོངས་སུ་ཚང་བའི་རིག་མཛོད་འཕྲུལ་ཆས་ཐོག་མ་དེ་རེད་ཅེས་བཤད་མི་ཐུབ་ནའང༌། གོང་གསལ་གྱི་ཆ་རྐྱེན་ཁག་འགའ་ཞིག་ཚང་བའི་རིག་མཛོད་འཕྲུལ་ཆས་སྔ་ཤོས་དེ་རེད་ཅེས་བཤད་ཆོག
༼ENIAC༽ཞེས་པ་དེའི་གཟུགས་དབྱིབས་དང་ཚད་གཞི་སོགས་དེང་རབས་ཀྱི་རིག་མཛོད་འཕྲུལ་ཆས་དང་བསྡུར་ན་ཆེས་ཆེ་བ་ཞིག་ཡིན། རོབ་རྩིས་ལྟར་ན་འཕྲུལ་ཆས་དེར་སྟོང་སང་སྦུག་སྣོད་ ༡༧༤༦༨ དང༌། བརྡ་སྐྱོར་གློག་རྒྱུན་ ༧༢༠༠ ། བརྒྱུད་གཏོང་མ་ལག ༧༠༠༠༠ མ་ལག་གནོད་འགོག་གདོང་ལེན་ཁག་ ༡༠༠༠༠ ། སྦྱོར་སྒྲིག་ལྷུ་ཚིག་འབུམ་ལྔ་ཙམ་ཡོད་པ་རེད། འོན་ཀྱང་དེའི་ལྗིད་ཚད་ནི་དེ་ཙམ་གྱིས་ཧ་ལས་པོ་ཞིག་མ་རེད་ལ། ཤོང་ཚད་ཀྱི་ཆ་ནས་བཤད་ནའང་ཀི་ལོ་ཝ་ཊ་ ༡༥༠ ཙམ་ཆོག་གི་ཡོད།
༼ENIAC༽ དང་ ༼Atanasoff-Berry༽
ཕྱི་ལོ་ ༡༩༣༩ ནང་ལོག་ལ་མི་ཚོས་ཨ་ཊཱ་ན་སོཕ། བྷེ་རི་ཞེས་པའི་རིག་མཛོད་འཕྲུལ་ཆས་དེ་བེད་སྤྱོད་བཏང་བཞིན་ཡོད་ཀྱང༌། ང་ཚོས་རྗོད་བཞིན་པའི་གནས་ཚུལ་ལྟར་དེའི་སྐབས་སུ་༼ENIAC༽ ཞེས་པའི་རིག་མཛོད་འཕྲུལ་ཆས་དེ་ཉིད་ཀྱང་དེ་སྔོན་ལྟར་རིག་མཛོད་འཕྲུལ་ཆས་ཐོག་མ་ལྟ་བུར་ངོས་འཛིན་བྱེད་བཞིན་ཡོད། གང་ལགས་ཞེ་ན་སྔོན་ཞུས་ལྟར་འདི་ཉིད་ཀྱི་མ་ལག་གང་མང་ཞིག་སྟེ་དཔེར་ན། གྲངས་ཚད་ཨང་རྟགས་དང༌། ནུས་ཤུགས་གསར་འབྱིན། ཤུགས་ཚད་དྲན་ཤེས་སོགས་ཀྱིས་ལས་ཀ་འཐུས་ཚང་སྔོན་ལྟ་མུ་མཐུད་བྱེད་ཐུབ་ཀྱི་ཡོད།
ལོ་གསུམ་གྱི་འཇུག་ལ་སྤྱིར་བག་ལ་ཞ་ཡོད་པའི་དབྱིན་ཇིའི་ནུས་ཤུགས་ཅན་གྱི་རིག་མཛོད་འཕྲུལ་ཆས་༼ENIAC༽ དེ་ཉིད་སྤྱི་ཚོགས་ཀྱི་ཁྲོད་དུ་མངོན་དུ་གྱུར་ཡོད། སྤྱིའི་ཆ་ནས་བཤད་ན་འཕྲུལ་ཆས་འདི་ཉིད་དེང་དུས་དང་མཚུངས་པར་མ་ལག་ཡོངས་སུ་ཚང་བའི་རིག་མཛོད་འཕྲུལ་ཆས་ཞིག་མིན་ནའང༌། འཛམ་གླིང་དམག་ཆེན་གཉིས་པ་སྐབས་སུ་ལྗར་མན་དམག་གི་གསང་ཨང་གནད་མིག་ཁག་གཏོར་རྒྱུར་བེད་སྤྱོད་བཏང་མྱོང་བ་ཞིག་ཡིན།
སྤྱིར་མི་མང་པོ་ཞིག་གིས་རིག་མཛོད་འཕྲུལ་ཆས་དེ་ཐོག་མར་སུས་བཟོས་མིན་ཐད་ལ་རྩོད་པ་མང་པོ་བྱས་དང་བྱེད་བཞིན་ཡོད་ཀྱང༌། ང་ཚོས་ངེས་པ་བརྙེད་པ་ཞིག་ནི་གོང་གི་ཨ་ཊཱ་ན་སོཕ། བྷེ་རི་ཞེས་པ་དེ་ནི་རྒྱུན་གཏན་གློག་རྒྱུད་རིག་མཛོད་འཕྲུལ་ཆས་ཀྱི་མགྱོགས་ཚད་ལྟར་གཏན་ནས་ལས་ཀ་བྱས་ཐུབ་མེད་ལ། དེང་དུས་རིག་མཛོད་འཕྲུལ་ཆས་ལྟ་བུའི་མདུན་ངོས་ཀྱི་འཆར་ཤེལ་སོགས་གང་ཡང་མེད་པས་མཐའ་མའི་ལས་ཀའི་གྲུབ་འབྲས་རྣམས་ཨང་ཀི་མང་པོ་ཞིག་སྒྲིག་རྗེས་ཤོག་བྱང་ཞིག་གི་ཐོག་འཆར་ཐུབ་པ་ཙམ་རེད། དེ་ཕྱིར་གོང་གི་དཔྱད་ཞིབ་འཕྲུལ་འཁོར་གྱི་མ་ལག་ཅེས་པའམ་རྗེས་སུ་འཕེལ་རྒྱས་ཕྱིན་པའི་༼ENIAC༽ དེ་ཉིད་ད་ལྟ་ང་ཚོའི་བེད་སྤྱོད་གཏོང་བཞིན་པའི་རིག་མཛོད་འཕྲལ་ཆས་ཀྱི་མེས་པོ་ཞིག་ཡིན་ཞེས་སྨྲ་ཆོག་སྙམ།
རིག་མཛོད་འཕྲུལ་ཆས་སྐོར་ལ་རྩོམ་ཐུང་འདིའི་རིགས་སྤྱིར་རྒྱལ་སྤྱིའི་འཛིན་རིམ་དགུ་པ་ནས་སློབ་མའི་སློབ་དེབ་སོགས་སུ་གསལ་གྱི་ཡོད་ཀྱང་བོད་ཡིག་ཏུ་ཆེས་མཐོང་དཀོན་པས་རྒྱུན་སྤྱོད་ཀྱི་ཤེས་བྱ་ཞིག་ཏུ་བསམ་ནས་བདག་གིས་ལས་ཀའི་བར་སེང་དུ་བོད་བསྒྱུར་ཞུས་པ་ཡིན།
Charles Babbage (25 December, 1791-18 October, 1871) ཁོང་ནི་རིག་མཛོད་འཕྲུལ་ཆས་ཀྱི་སྲོལ་འབྱེད་ཅེས་འབོད་ཀྱི་ཡོད་ལ་མ་ལག་རང་འགུལ་ཅན་གྱི་རིག་མཛོད་འཕྲུལ་ཆས་ཀྱི་ཐོག་མའི་ཇུས་འགོད་པ་ཞིག་ཀྱང་རེད། ཁོང་གི་ཐོག་མའི་ལས་འཆར་དེ་འཇུག་སྐྱོང་མ་ཐུབ་ཀྱང་ཕྱི་ལོ་ ༢༠༠༢ ལོ་སྟེ་ལོ་ ༡༥༣ རྗེས་སུ་དབྱིན་ཇིའི་རྒྱལ་ས་ལོན་ཌོན་དུ་སྐྱར་བསྐྲུན་ལེགས་སྒྲུབ་ཐུབ་ཡོད། འོན་ཀྱང་འགྲིམ་སྟོན་གྱི་ཚུལ་དུ་ལས་ང་ཚོས་བེད་སྤྱོད་གཏོང་དགོས་ཀྱི་མེད་པ་རེད།
The Analytical Engine འཕྲུལ་ཆས་དེ་ནི་ཆ་ཤས་ ༨༠༠༠ ཙམ་དང༌། ལྗིད་ཚད་ལ་ཀི་ལོ་ ༥༠༠༠ དང༌། རིང་ཚད་ལ་ཕི་ཊི་ ༡༡ ཙམ་ཡོད།
Konrad Zuse འཛམ་གླིང་སྟེང་གི་རིག་མཛོད་འཕྲུལ་ཆས་ཀྱི་མ་ལག་བཟོ་བཀོད་པ་དང་པོ་དེ་ཡིན། ཁོང་གིས་ཕྱི་ལོ་ ༡༩༣༥ ལོ་ནས་ ༡༩༣༨ བར་ཐེངས་དང་པོར་འཛམ་གླིང་གི་རིག་མཛོད་འཕྲུལ་ཆས་ཀྱི་མ་ལག་ཛི་གཅིག་ཅེས་པ་དེ་བཟོས། ཕྱི་ལོ་ ༡༩༤༡ ལོར་འཛམ་གླིང་རིག་མཛོད་འཕྲུལ་ཆས་ཀྱི་དམིགས་བསལ་འཆར་འགོད་མ་ལག་ཐོག་མ་ཛི་གསུམ་པ་དེ་བཟོས། ཕྱི་ལོ་ ༡༩༤༥ ལོར་འཛམ་གླིང་རིག་མཛོད་འཕྲུལ་ཆས་ཀྱི་སྐད་ཡིག་འཆར་འགོད་ཚད་མཐོ་ཤོས་པི་ལན་ཨོ་ཀེལ་ཞེས་པ་ཞིག་བཟོས། ཕྱིས་སུ་མ་ལག་དེ་ཉིད་འཛམ་གླིང་རིག་མཛོད་འཕྲུལ་ཆས་ཀྱི་རྩེད་རིགས་འཆར་འགོད་ཐོག་མ་དེ་གྱུར་ཡོད། ཕྱི་ལོ་ ༡༩༤༥ ལོར་འཛམ་གླིང་རིག་མཛོད་འཕྲུལ་ཆས་ཀྱི་ཚོང་ལས་བཟོ་གྲ་ཐོག་མ་དེ་གསར་འཛུག་བྱས།
Electronic Numerical Integrator and Computer བདག་གིས་ཚིག་འདི་ཨང་རྩིས་རིག་པའི་གློག་རྡུལ་རིག་མཛོད་འཕྲུལ་ཆས་ཞེས་བསྒྱུར་ཡོད། འོན་ཀྱང་དཔྱད་ཞིབ་པ་དག་གིས་ཚད་དང་ལྡན་མིན་དགོངས་དཔྱོད་ཡོང་བར་མཁྱེན།
Friday, June 4, 2010
བཀྲིས་རྟགས་བརྒྱད་ཀྱི་སྐོར།
ཚངས་པ་ལ་སོགས་ལྷ་དང་ལྷ་མོ་རྣམས་ཀྱིས་སྔོན་སངས་རྒྱས་ཀྱི་ཆེ་བའི་ཡོན་ཏན་ལ་བཀྲིས་པའི་རྟགས་ཀྱི་བསྟོད་པ་ཕུལ་བས་དེའི་འབྲས་བུས་འཁོར་རྣམས་ཀྱི་སྡིག་སྒྲིབ་བྱང་བར་གྱུར། དེ་བཞིན་རང་ཉིད་ཀྱིས་མཆོད་ཡུལ་རྣམས་ལ་རྟགས་བརྒྱད་ཀྱི་མཆོད་པ་འབུལ་ན་ཚེ་རབས་ནས་བསགས་པའི་སྡིག་སྒྲིབ་འབྱང་བར་འགྱུར།
1) གདུགས། གདུགས་དཀར་པོ་གསེར་གྱི་ཡུ་བ་ཅན་ཞིག་དབུ་ལ་ཕུལ་བས་རང་གཞན་སེམས་ཅན་ཐམས་ཅད་ཀྱི་ཉོན་མོངས་པའི་ཚ་གདུང་ལས་སྐྱོབ་པར་གྱུར།
2) གསེར་ཉ། གསེར་ཉ་གཡུ་ཡི་གཤོག་པ་ཅན་མཉེན་ཞིང་ལྕུག་པ་ཞིག་སྤྱན་ལ་ཕུལ་བས་ཤེས་རབ་ཀྱི་མིག་ཐོབ་པར་གྱུར།
3) པདྨ། དྲི་བཟང་རྣམ་པར་བཀྲ་བའི་མེ་ཏོག་པདྨ་ལྗགས་ལ་ཕུལ་བས་པདྨ་ལ་ཆུ་མི་ཆགས་པ་ལྟར་ཚེ་རབས་ཀུན་ཏུ་རྫུན་སྤངས་པའི་ཡོན་ཏན་ཐོབ་པར་གྱུར།
4) དུང་དཀར། བཀྲིས་པའི་ཆོས་དུང་གཡས་སུ་འཁྱིལ་བ་ཚེམས་ལ་ཕུལ་བས་རོ་བརྒྱ་བྲོ་བའི་མཆོག་ཐོབ་ཅིང་དུང་གི་ཚེམས་བར་ནས་དམ་པའི་ཆོས་ཀྱི་སྒྲ་སྒྲོགས་པར་གྱུར།
5) བུམ་པ། འཆི་མེད་བདུད་བརྩིས་གང་བའི་བུམ་པ་ལ་དཔག་བསམ་གྱིས་བརྒྱན་པ་ཞིག་མགུལ་ལ་ཕུལ་བས་བུམ་པ་བཅུད་ཀྱིས་གང་བ་ལྟར་རང་རྒྱུད་དགེ་བས་ཁྱབ་ཅིང་གདུལ་བྱའི་རྒྱུད་ཚིམས་པར་གྱུར།
6) དཔལ་བེའུ། འཇའ་འོད་རང་བཞིན་ཅན་གྱི་དཔལ་བེའུ་ཐུགས་ལ་ཕུལ་བས་སངས་རྒྱས་ཀྱི་མཁྱེན་པ་གཏིང་དཔག་དཀའ་བའི་སྟོབས་རང་རྒྱུད་ལ་ཐོབ་པར་གྱུར།
7) རྒྱལ་མཚན། རིན་ཐང་བྲལ་བ་བསྟན་པ་མི་ནུབ་པའི་རྒྱལ་མཚན་སྐུ་ལ་ཕུལ་བས་ཕས་ཀྱི་རྒོལ་བ་དང་མི་མཐུན་པའི་ཕྱོགས་ལས་རྒྱལ་བར་གྱུར།
8) འཁོར་ལོ། ཉོན་མོངས་པའི་རང་བཞིན་རྩད་ནས་གཅོད་པའི་འཁོར་ལོ་ཞབས་ལ་ཕུལ་བས་ཕ་རོལ་གྱི་གནོད་པ་ཐམས་ཅད་ཟིལ་གྱིས་ནོན་ཏེ་རྣམ་དཀར་གྱི་འཁོར་ལོ་ཡོངས་སུ་བསྐོར་བས་གདུལ་བྱའི་རྒྱུད་འདུལ་བར་གྱུར།
1) གདུགས། གདུགས་དཀར་པོ་གསེར་གྱི་ཡུ་བ་ཅན་ཞིག་དབུ་ལ་ཕུལ་བས་རང་གཞན་སེམས་ཅན་ཐམས་ཅད་ཀྱི་ཉོན་མོངས་པའི་ཚ་གདུང་ལས་སྐྱོབ་པར་གྱུར།
2) གསེར་ཉ། གསེར་ཉ་གཡུ་ཡི་གཤོག་པ་ཅན་མཉེན་ཞིང་ལྕུག་པ་ཞིག་སྤྱན་ལ་ཕུལ་བས་ཤེས་རབ་ཀྱི་མིག་ཐོབ་པར་གྱུར།
3) པདྨ། དྲི་བཟང་རྣམ་པར་བཀྲ་བའི་མེ་ཏོག་པདྨ་ལྗགས་ལ་ཕུལ་བས་པདྨ་ལ་ཆུ་མི་ཆགས་པ་ལྟར་ཚེ་རབས་ཀུན་ཏུ་རྫུན་སྤངས་པའི་ཡོན་ཏན་ཐོབ་པར་གྱུར།
4) དུང་དཀར། བཀྲིས་པའི་ཆོས་དུང་གཡས་སུ་འཁྱིལ་བ་ཚེམས་ལ་ཕུལ་བས་རོ་བརྒྱ་བྲོ་བའི་མཆོག་ཐོབ་ཅིང་དུང་གི་ཚེམས་བར་ནས་དམ་པའི་ཆོས་ཀྱི་སྒྲ་སྒྲོགས་པར་གྱུར།
5) བུམ་པ། འཆི་མེད་བདུད་བརྩིས་གང་བའི་བུམ་པ་ལ་དཔག་བསམ་གྱིས་བརྒྱན་པ་ཞིག་མགུལ་ལ་ཕུལ་བས་བུམ་པ་བཅུད་ཀྱིས་གང་བ་ལྟར་རང་རྒྱུད་དགེ་བས་ཁྱབ་ཅིང་གདུལ་བྱའི་རྒྱུད་ཚིམས་པར་གྱུར།
6) དཔལ་བེའུ། འཇའ་འོད་རང་བཞིན་ཅན་གྱི་དཔལ་བེའུ་ཐུགས་ལ་ཕུལ་བས་སངས་རྒྱས་ཀྱི་མཁྱེན་པ་གཏིང་དཔག་དཀའ་བའི་སྟོབས་རང་རྒྱུད་ལ་ཐོབ་པར་གྱུར།
7) རྒྱལ་མཚན། རིན་ཐང་བྲལ་བ་བསྟན་པ་མི་ནུབ་པའི་རྒྱལ་མཚན་སྐུ་ལ་ཕུལ་བས་ཕས་ཀྱི་རྒོལ་བ་དང་མི་མཐུན་པའི་ཕྱོགས་ལས་རྒྱལ་བར་གྱུར།
8) འཁོར་ལོ། ཉོན་མོངས་པའི་རང་བཞིན་རྩད་ནས་གཅོད་པའི་འཁོར་ལོ་ཞབས་ལ་ཕུལ་བས་ཕ་རོལ་གྱི་གནོད་པ་ཐམས་ཅད་ཟིལ་གྱིས་ནོན་ཏེ་རྣམ་དཀར་གྱི་འཁོར་ལོ་ཡོངས་སུ་བསྐོར་བས་གདུལ་བྱའི་རྒྱུད་འདུལ་བར་གྱུར།
ཁ་མ་བསྐང་བའི་སྒྲུང་ཐུང།
སྒྲུང་རྩོམ་འདིའི་གཤམ་གྱི་བར་སྟོང་རྣམས་གང་འགབ་ཀྱི་ཚིག་བེད་སྤྱོད་ནས་བསྐོང་རྗེས་ཁྱེད་ཀྱིས་ཆ་ཚང་བའི་སྒྲུང་ཐུང་ཞིག་འབྲི་ཐུབ།
བཀྲ་ཤིས་ཉིན་གང་པོར་—་ར་ཆུང་ཆུང་དེར་བྲེལ་ཚུབ་ཀྱིས་—་རྗེས་ཕྱི་དྲོར་བྱིའུ་རྣམས་ཚང་དུ་ལོག་—་ཁོའི་ངོ་གདོང་ཡོངས་རྫོགས་ལ་—་ཆད་ཀྱི་རྣམ་པས་ཁེངས་ཏེ་ནང་དུ་སླེབས་རྗེས། ཁོས་—་ཡང་མ་ཕུད་པར་ཉལ་ཁྲི་གོག་ཏོ་དེའི་ཐོག་ཏུ་གན་—་དུ་ཧྲེང་སོང༌། ཡུད་ཙམ་སོང་མཚམས་ཁོས་—་འཕྲོར་གྱུར་པའི་ཐ་མག་ལ་མེ་བགོས་རྗེས་དུ་བའི་—་ལོང་གོར་མོ་འགའ་མདུན་ཐད་ཀྱི་བར་སྣང་དུ་ཁོའི་—་དབང་དང་འདྲ་བར་ལྡིང་སྐོར་འགའ་—་བཞིན་འདུག ཁོའི་རྔུབ་ཤུགས་དེ་དག་ཅུང་—་སོང་བ་ཡིན་པ་འདྲ། ཁོའི་དཔྲལ་བའི་དབྱེས་མཚམས་ནས་—་ཆུའི་ཟིལ་པ་འགའ་ཞིག་ཕྱིར་—་ཕྲོམ་ཕྲོམ་དུ་ཐོན་བཞིན་འདུག ཁོས་ཅི་ཞིག་ཡིད་ལ་འཁོར་བ་ལྟར་—་བུར་དུ་ཐབ་ཀའི་ཕྱོགས་སུ་—་ཟུང་གཅེར། ཁོའི་མིག་ལམ་དུ་མངོན་པ་ནི་—་དགོང་ལྷག་འཕྲོར་གྱུར་པའི་—་ཐུག་ལྕོག་གང་པོ་དེ་ཙམ་ཞིག་རེད། སླར་ཡང་ཁོས་—་ཕྱོགས་སུ་མིག་ཟུར་ཞིག་འཕངས་བྱུང༌། དེ་ནི་མི་ཞིག་—་རྒྱུར་སྒུག་སྡོད་པ་ཞིག་དང་མཚུངས། འོན་ཀྱང་ཁོའི་དབུགས་རིང་དེར་—་ན་མི་ལོ་དེ་དག་གི་རིང་ཁོའི་ཁང་སྒོ་—་མཁན་ཞིག་ཡོད་པ་ནི་གྲོང་—་ཚང་གི་ཁྱི་རྒན་དམར་གོག་དེ་—་ན་ཙམ་རེད།
མཚམས་རེར་ཁོས་སྔས་—་དུ་པར་སྒྲོམ་ཆུང་ངུ་ཞིག་གི་ནང་དུ་ཡོད་པའི་འདྲ་—་ཞིག་ལ་མིག་ཧུར་—་ལྟ་སྐབས་མིག་ཁུག་ནས་མཆི་མའི་—་པོ་འགའ་རེ་ཕྱིར་འགྲིལ་ཡོང༌། འདི་ལྟར་ལོ་ནས་ལོར་ཁོས་རང་གི་མི་ཚེ་དེར་—་དོག་ཅི་ཡང་མེད་པར་—་སོང་བ་ཡིན་པ་འདྲ་སྟེ། མཚམས་རེར་ཁོས་—་ཉིད་ལ་དམོད་མོ་བོར་ཏེ་ཁྱིམ་གཞི་ཆུང་ཆུང་དེའི་ནང་དུ་—་གཅིག་པུས་ཟིང་ཆ་སློང་བ་ཉུང་ཉུང་མིན། རྒྱུ་མཚན་དེ་དག་ལ་—་ནས་མི་ཚོས་ཁོ་ལ་བཀྲིས་—་པ་ཞེས་འབོད་བཞིན་ཡོད། འོན་ཀྱང་ཁོས་རང་ཉིད་སྨྱོ་མེད་ཀྱང་—་སེམས་ཁམས་མ་རྟོགས་པ་རྣམས་ཡོད་ཚད་སྨྱོ་བཞིན་འདུག་ཟེར།
Friday, May 28, 2010
སྲིན་རྡོ་བར་སྣང་།
འཛམ་གླིང་གི་ས་ཁམས་རིགས་པ་བ་རྣམས་ཀྱིས་ཆེས་ཡ་མཚན་ཅན་གྱི་གཙོ་གནད་ཁག་ལ་ཉམས་ཞིབ་བྱེད་པའི་སྐབས་དང་བསྟུན། ཉེ་སྔོན་རྒྱ་གར་རྙན་འཕྲིན་ཁང་ (India TV) ནས་ཆེད་གཉེར་བརྟག་དཔྱད་དང་ཞིབ་འཇུག་བྱས་པར་རྒྱུད་རྒྱ་གར་ཤར་ཕྱོགས་མངའ་སྡེའི་ཡ་རྒྱལ་རཱཇསཐན་ (Rajsthan) ནས་ལེ་བར་བཅོ་ལྔའི་ས་རུ་ཆེས་ཡ་མཚན་ཅན་གྱི་དངོས་པོ་ཞིག་བརྙེད་པ་རེད། དེ་ནི་གཞན་གང་ཡང་མིན་པར་རྒྱ་མ་འབུམ་གཉིས་ཡོད་པའི་བྲག་རྡོ་ཞིག་རི་བོ་ཆེན་པོ་ཞིག་གི་དབུ་རྩེར་བར་མེད་ངང་ཉིན་མཚན་དབྱེར་མེད་དུ་འགུལ་བཞིན་ཡོད་ལ། དེ་ནི་ས་ཁམས་རིགས་པས་བརྟག་དཔྱད་བྱས་པས་ལོ་སྟོང་ཕྲག་ལྔ་ལྷག་རིང་འགུལ་སྐྱོད་རྒྱག་བཞིན་ཡོད་པའི་གནས་ཚུལ་སྤེལ་ཡོད།
འདི་ལྟ་བུའི་གནས་ཚུལ་ཡ་མཚན་རེ་ང་ཚོའི་མིག་ལམ་ན་མངོན་ཡོང་ཚེ་ང་ལ་ཡ་ཐོག་གི་གཏམ་རྒྱུད་རིང་མོ་ཞིག་འཁོར་བྱུང་། གཏམ་རྒྱུད་དེ་དག་གི་ནང་ལྷ་སྒྲུང་གི་རྟོགས་རྗོད་ཡོད་ལ། དེ་བཞིན་གྲུབ་པ་ཐོབ་པའི་སྐྱེས་མཆོག་རྣམས་ཀྱི་རྣམ་ཐར། གླིང་བཞི་མངའ་དབང་བསྒྱུར་བའི་ས་སྐྱོང་བ་རྣམས་ཀྱི་ལོ་རྒྱུས་སོགས་ཀྱང་ཡོད་པས་ཉན་སྤྲོ་བ་ཤ་སྟག་ཡིན།
ལོ་རྒྱུས་དེ་དག་མང་ཆེ་བ་བོན་གཞུང་ལས་བྱུང་བའི་ཡ་ཐོག་བོད་དང་དེའི་ཁྱིམ་མཚེས་རྒྱལ་ཁབ་དག་གི་ཡུལ་ལུང་སོགས་ལ་འབྲེལ་བ་ཆེན་པོ་བཤད་ཡོད། དེ་ཡང་བོན་གྱི་ལོ་རྒྱུས་ཁག་ནས་ཞང་ཞུང་བར་པ་རྒྱལ་མཁར་བར་ཆོད་ཀྱི་སྐོར་བཤད་ཚེ་རྒྱལ་གཤེན་མི་ལུས་བསམ་ལེགས་ཀྱིས་རྒྱལ་ཁམས་ལྷག་མེད་བསྒྱུར་བའི་ངོ་མཚར་ཅན་གྱི་རྣམ་ཐར་ཞིག་མཇལ་རྒྱུ་ཡོད། རྣམ་ཐར་དེ་དག་ལས་རྒྱལ་གཤེན་ཉིད་ཀྱིས་གླིང་བཞིའི་བདུད་སྲིན་མ་མོའི་ཚོགས་རྣམས་བྲན་དུ་བཀོལ་ནས་དམ་བཏགས་མཛད་ཚེ། བྲག་རྡོ་ཕྱག་གི་སོར་རྩེ་ནས་དྲངས་ཏེ་སྲིན་གྱི་མཁའ་འགྲོའི་དམག་ཚོགས་ལ་འཕངས་པས་ད་ལྟའང་བར་སྣང་དུ་སྒ་ར་རར་འཁོར་བཞིན་ཡོད་ཅེས་གསུངས་ཡོད།
དེ་དག་ལ་ཡོངས་གྲགས་སྲིན་རྡོ་བར་སྣང་ཞེས་བཤད་ཚུལ་ཡོད་ལ། ལོ་རྒྱུས་སྨྲ་བ་མང་དག་ཅིག་གིས་འདི་དག་རྒྱ་གར་བྱང་ཕྱོགས་ཀྱི་ས་སྣེ་དང་འབྲེལ་བའི་རི་རྒྱུད་སོགས་སུ་ཡོད་ཚུལ་ཡང་གསུངས་མྱོང་ཡོད། དེ་ཡང་བྲག་རྡོ་ཆེན་པོ་ཞིག་ཕྱོགས་བཞི་གང་ལའང་ཐུག་རེག་མེད་པར་བར་སྣང་རང་དུ་སྡོད་ཀྱིན་ཡོད་པའི་གཏམ་རྒྱུད་འཆད་ཀྱི་འདུག་ཀྱང་ཁོ་བོས་ད་བར་མཇལ་ཡུལ་དུ་མ་གྱུར། ལོ་རྒྱུས་ལྟར་ན་བྲག་རྡོ་དེ་དག་འགུལ་བཞིན་ཡོད་པའི་གནད་ཅིག་གསུངས་ཡོད་པས་བར་སྣང་དུ་གཡོ་འགུལ་ཅན་གྱི་ཕ་བང་ཤ་སྟག་ཡིན་དགོས་པ་ཞིག་རེད། གང་ལྟར་ད་ལན་བདག་གིས་འདྲེན་བྱེད་ཡུལ་དུ་གྱུར་པའི་བྲག་རྡོ་འདི་ནི་ཆེས་ཡ་མཚན་ཞིང་རི་སྟེང་དུ་འགུལ་བཞིན་པའི་དངོས་པོ་ཐུན་མིན་ཞིག་ཡིན་ཙང་སྲིན་རྡོ་བར་སྣང་གི་རིགས་ཞིག་ཡིན་མིན་ནམ་སྙམ།
འདི་ལྟ་བུའི་གནས་ཚུལ་ཡ་མཚན་རེ་ང་ཚོའི་མིག་ལམ་ན་མངོན་ཡོང་ཚེ་ང་ལ་ཡ་ཐོག་གི་གཏམ་རྒྱུད་རིང་མོ་ཞིག་འཁོར་བྱུང་། གཏམ་རྒྱུད་དེ་དག་གི་ནང་ལྷ་སྒྲུང་གི་རྟོགས་རྗོད་ཡོད་ལ། དེ་བཞིན་གྲུབ་པ་ཐོབ་པའི་སྐྱེས་མཆོག་རྣམས་ཀྱི་རྣམ་ཐར། གླིང་བཞི་མངའ་དབང་བསྒྱུར་བའི་ས་སྐྱོང་བ་རྣམས་ཀྱི་ལོ་རྒྱུས་སོགས་ཀྱང་ཡོད་པས་ཉན་སྤྲོ་བ་ཤ་སྟག་ཡིན།
ལོ་རྒྱུས་དེ་དག་མང་ཆེ་བ་བོན་གཞུང་ལས་བྱུང་བའི་ཡ་ཐོག་བོད་དང་དེའི་ཁྱིམ་མཚེས་རྒྱལ་ཁབ་དག་གི་ཡུལ་ལུང་སོགས་ལ་འབྲེལ་བ་ཆེན་པོ་བཤད་ཡོད། དེ་ཡང་བོན་གྱི་ལོ་རྒྱུས་ཁག་ནས་ཞང་ཞུང་བར་པ་རྒྱལ་མཁར་བར་ཆོད་ཀྱི་སྐོར་བཤད་ཚེ་རྒྱལ་གཤེན་མི་ལུས་བསམ་ལེགས་ཀྱིས་རྒྱལ་ཁམས་ལྷག་མེད་བསྒྱུར་བའི་ངོ་མཚར་ཅན་གྱི་རྣམ་ཐར་ཞིག་མཇལ་རྒྱུ་ཡོད། རྣམ་ཐར་དེ་དག་ལས་རྒྱལ་གཤེན་ཉིད་ཀྱིས་གླིང་བཞིའི་བདུད་སྲིན་མ་མོའི་ཚོགས་རྣམས་བྲན་དུ་བཀོལ་ནས་དམ་བཏགས་མཛད་ཚེ། བྲག་རྡོ་ཕྱག་གི་སོར་རྩེ་ནས་དྲངས་ཏེ་སྲིན་གྱི་མཁའ་འགྲོའི་དམག་ཚོགས་ལ་འཕངས་པས་ད་ལྟའང་བར་སྣང་དུ་སྒ་ར་རར་འཁོར་བཞིན་ཡོད་ཅེས་གསུངས་ཡོད།
དེ་དག་ལ་ཡོངས་གྲགས་སྲིན་རྡོ་བར་སྣང་ཞེས་བཤད་ཚུལ་ཡོད་ལ། ལོ་རྒྱུས་སྨྲ་བ་མང་དག་ཅིག་གིས་འདི་དག་རྒྱ་གར་བྱང་ཕྱོགས་ཀྱི་ས་སྣེ་དང་འབྲེལ་བའི་རི་རྒྱུད་སོགས་སུ་ཡོད་ཚུལ་ཡང་གསུངས་མྱོང་ཡོད། དེ་ཡང་བྲག་རྡོ་ཆེན་པོ་ཞིག་ཕྱོགས་བཞི་གང་ལའང་ཐུག་རེག་མེད་པར་བར་སྣང་རང་དུ་སྡོད་ཀྱིན་ཡོད་པའི་གཏམ་རྒྱུད་འཆད་ཀྱི་འདུག་ཀྱང་ཁོ་བོས་ད་བར་མཇལ་ཡུལ་དུ་མ་གྱུར། ལོ་རྒྱུས་ལྟར་ན་བྲག་རྡོ་དེ་དག་འགུལ་བཞིན་ཡོད་པའི་གནད་ཅིག་གསུངས་ཡོད་པས་བར་སྣང་དུ་གཡོ་འགུལ་ཅན་གྱི་ཕ་བང་ཤ་སྟག་ཡིན་དགོས་པ་ཞིག་རེད། གང་ལྟར་ད་ལན་བདག་གིས་འདྲེན་བྱེད་ཡུལ་དུ་གྱུར་པའི་བྲག་རྡོ་འདི་ནི་ཆེས་ཡ་མཚན་ཞིང་རི་སྟེང་དུ་འགུལ་བཞིན་པའི་དངོས་པོ་ཐུན་མིན་ཞིག་ཡིན་ཙང་སྲིན་རྡོ་བར་སྣང་གི་རིགས་ཞིག་ཡིན་མིན་ནམ་སྙམ།
Tuesday, May 25, 2010
རྒྱུན་ཤེས།
ཚད་སྟོན་པའི་མིང་།
རྒྱ། དཔངས། ཞེང་། གང་བ། བྲི། རན་པ། འཚམ་པོ། མཉམ་པོ། འཕེལ་བ། འགྲིབ་པ། མེར་བ། ཚལ་བ། མཉམ་པ། འདྲ་བ། འཕྱུར་བ། ལུད་པ། སྦོས་པ། ཞུད་པ། ཆེ་བ། ཆུང་བ། ཕྲ་མོ། སྦོམ་པོ། མང་བ། ཉུང་བ། ཐིབས་པ། ཐིམ་པ། ཚར་བ། ཟད་པ། ལོངས་པ། འདང་བ།
ཡུལ་ཁམས་རོང་འབྲོག་ཁང་ཁྱིམ་སོགས་ཀྱི་མིང་།
རྒྱལ་ཁམས། ཡུལ་གྲུ། ཡུལ་ཕྱོགས། ས་ཁུལ། ས་གནས། རོང་བ། གྲོང་ཁྱེར། གྲོང་རྡལ། གྲོང་གསེབ། གྲོང་སྡེ། གྲོང་། གཞིས་ཀ། ཁྱིམ། ཁྱིམ་མཚེས། ར་བ། ར་སྐོར། གྱང་ར། རྡོ་ར། ཕྱུགས་ར། ༸ཁང་པ། རྨང་གཏིང་། རྩིག་པ། གྱང་། ཀ་རྡོ། གདུང་མ། དྲབ། ཝ་མཆུ། ༸ཐབ་ཀ། ཚ་ཐབ། ཁྱམས། ཁྱིམ་སྒོ། རྒྱ་སྒོ། སྒོ་ལྕགས། ཁྱམས་ར། ཐེམ་པ། རྡོ་སྐྲས། ཁང་ཐོག ཁང་རྩེག དཀར་ཁུང་། སྐར་ཁུང་།
འགྲུལ་གཞུད་སོགས་ཀྱི་མིང་།
ལམ། གཞུང་ལམ། ལམ་ཕྲན། ལམ་འཕྲང་། ཟམ། གྲུ་བོ། ཤིང་རྟ། རླངས་འཁོར། མེ་འཁོར། གྲུ་གཟིངས། གྲུ་རྫིངས། མཚོ་གྲུ། གནམ་གྲུ། ཁ་ལོ་བ། གྲུ་བ། གླ་འཁོར། དོ་སྐྱེལ་བ། ལམ་མཁན། སྣེ་ཤན་པ།
རྒྱ། དཔངས། ཞེང་། གང་བ། བྲི། རན་པ། འཚམ་པོ། མཉམ་པོ། འཕེལ་བ། འགྲིབ་པ། མེར་བ། ཚལ་བ། མཉམ་པ། འདྲ་བ། འཕྱུར་བ། ལུད་པ། སྦོས་པ། ཞུད་པ། ཆེ་བ། ཆུང་བ། ཕྲ་མོ། སྦོམ་པོ། མང་བ། ཉུང་བ། ཐིབས་པ། ཐིམ་པ། ཚར་བ། ཟད་པ། ལོངས་པ། འདང་བ།
ཡུལ་ཁམས་རོང་འབྲོག་ཁང་ཁྱིམ་སོགས་ཀྱི་མིང་།
རྒྱལ་ཁམས། ཡུལ་གྲུ། ཡུལ་ཕྱོགས། ས་ཁུལ། ས་གནས། རོང་བ། གྲོང་ཁྱེར། གྲོང་རྡལ། གྲོང་གསེབ། གྲོང་སྡེ། གྲོང་། གཞིས་ཀ། ཁྱིམ། ཁྱིམ་མཚེས། ར་བ། ར་སྐོར། གྱང་ར། རྡོ་ར། ཕྱུགས་ར། ༸ཁང་པ། རྨང་གཏིང་། རྩིག་པ། གྱང་། ཀ་རྡོ། གདུང་མ། དྲབ། ཝ་མཆུ། ༸ཐབ་ཀ། ཚ་ཐབ། ཁྱམས། ཁྱིམ་སྒོ། རྒྱ་སྒོ། སྒོ་ལྕགས། ཁྱམས་ར། ཐེམ་པ། རྡོ་སྐྲས། ཁང་ཐོག ཁང་རྩེག དཀར་ཁུང་། སྐར་ཁུང་།
འགྲུལ་གཞུད་སོགས་ཀྱི་མིང་།
ལམ། གཞུང་ལམ། ལམ་ཕྲན། ལམ་འཕྲང་། ཟམ། གྲུ་བོ། ཤིང་རྟ། རླངས་འཁོར། མེ་འཁོར། གྲུ་གཟིངས། གྲུ་རྫིངས། མཚོ་གྲུ། གནམ་གྲུ། ཁ་ལོ་བ། གྲུ་བ། གླ་འཁོར། དོ་སྐྱེལ་བ། ལམ་མཁན། སྣེ་ཤན་པ།
Monday, May 24, 2010
རྣམ་དབྱེ་བརྒྱད་ཀྱི་དཔེར་བརྗོད་བཅོས་སྒྲུང་དང་སྦྱར་བ
༡༽ ལ་དོན།
གནའ་སྔ་མོར་ཡུལ་མཛེས་ལྗོངས་ལྟ་ན་སྡུག་པ་ཞིག་ན། ཕ་མ་སྔ་ས་ནས་མེད་པའི་མིང་སྲིང་གཉིས་འཚོ་བཞིན་གནས། དེའང་བུ་བཀྲ་ཤིས་ནི་ཆུང་ཡང་བློ་རིག་བཀྲ་བ། དཔའ་རྩལ་ཆེ་བ་ཞིག་ཡོད་པས་ཉིན་ལྟར་རི་ཀླུང་གང་སར་བསྐྱོད་དེ། འཚོ་བའི་མཁོ་ཆས་སོགས་བཙལ་གྱིན་ཡོད། བུ་མོ་སྒྲོན་མ་ནི་ཡག་མོ་སྒོ་ཐ་དག་ཚང་ཞིང༌། རྒན་ལ་བརྩི་བཀུར་ཆེ་བ་སོགས་འཛངས་མའི་ཡོན་ཏན་ཐ་དག་ལྡན་པ་ཞིག་ཡོད་ལ། མོ་ནི་ཁྱིམ་དུ་སྣ་འཛོམས་ཀྱི་མེ་ཏོག་སོགས་མཛེས་ལྗོངས་ཀྱི་ལྡུམ་རར་ཆུ་གཏོང་བ་དང་ཟས་ཀྱི་གཡོ་སྦྱོར་སོགས་བྱེད་ཀྱིན་ཡོད། དེའང་མེ་ཏོག་རྣམས་ནི་འོད་དུ་འཚེར་ཞིང་སྦྲང་བུ་རྣམས་འབབ་སྐབས་སུ་བཟི་ཤུགས་ཀྱིས་འདབ་ལོ་དག་ལྡེམ་ལྡེམ་དུ་གཡོ་བཞིན་ཡོད།
༢༽ འབྲེལ་སྒྲ།
བུ་མོ་སྒྲོན་མའི་སྒེག་ཉམས་དང་གཤིས་རྒྱུད་འཇམ་པའི་ཡག་མོ་སྒོ༌། བུ་བཀྲ་ཤིས་ཀྱི་སྨིག་གཟེངས་མཐོ་ལ་དཔྲལ་ཞིང་ཆེ་བའི་ཕོ་ཉམས་སོགས་ནི་ཟླ་བའི་ལྷ་མོ་དང་རྒྱལ་སྲས་གཞོན་ནུ་སོགས་ཀྱང་རེ་ཞིག་ངོ་གནོང་དགོས་པ་ལྟ་བུ་ཞིག་ཡོད།
༣༽ བྱེད་སྒྲ།
ཉིན་ཞིག་བུ་བཀྲ་ཤིས་ཀྱིས་མདུན་རིའི་ཀླུང་ནས་ཤ་བ་མ་བུ་གཉིས་ཆུར་ཡོང་བ་མཐོང་སྟེ། མདའ་གཞུ་རྣ་འགྲམ་དུ་བཀང་ནས་གསོད་རྩིས་བྱེད་སྐབས་ཁོའི་མིག་ལམ་དུ་ཤ་བ་མ་བུའི་བརྩེ་གདུང་གི་རྣམ་འགྱུར་དག་ཤར་ཡོང་བས་ཁོའི་མཐེབ་ཤ་ཇེ་ལྷོད་ནས་ཇེ་ལྷོད་དུ་སོང༌།
Subscribe to:
Posts (Atom)
ཟིན་བྲིས་གཙོ་གཉེར་བ་ཞང་ཞུང་པ།
ཞང་ཞུང་པ་ཞེས་པའི་དྲྭ་རྒྱ་གཙོ་གཉེར་བ་ནི། མཐོ་སྒང་སྦྲ་ནག་གི་ཐུ་འོག་ནས་ཚར་ལོང་བྱུང་ཞིང་ཤེས་རིག་གི་བདུད་བརྩི་ལྷོ་ མཐའི་ཡུལ་ནས་མྱོང་བའི་ཡུལ་གྱར་བ་ཞིག་ཡིན།